Londonning "Vest Xem" jamoasi kelasi yozda jamoani tark etishi mumkin bo‘lgan yarim himoyachisi Deklan Raysning o‘rniga nomzodlardan birini tanlashga qaror qildi. Jurnalist Devid Ornshteynning so‘zlariga ko‘ra, “bolg‘achilar” “Marsel” futbolchisi Matteo Genduzini sotib olmoqchi.

Fransiyalik futbolchi avvalroq Raysni transfer qilish uchun favorit hisoblangan Londonning “Arsenal” jamoasi tarkibida Premyer-ligada o‘ynagan. Genduzining xizmatlariga Unai Emeri bosh murabbiyligidagi “Aston Villa” ham qiziqish bildirmoqda. Eslatib o‘tamiz, aynan ispaniyalik mutaxassis bir vaqtlar Matteoni "Arsenal"ga taklif qilgandi.

Genduzi bu mavsumda Liga 1da 2 ta gol va 4 ta golli uzatmani amalga oshirdi.