Лондоннинг "Вест Хэм" жамоаси келаси ёзда жамоани тарк этиши мумкин бўлган ярим ҳимоячиси Деклан Райснинг ўрнига номзодлардан бирини танлашга қарор қилди. Журналист Девид Орнштейннинг сўзларига кўра, “болғачилар” “Марсель” футболчиси Маттео Гендузини сотиб олмоқчи.
Франциялик футболчи аввалроқ Райсни трансфер қилиш учун фаворит ҳисобланган Лондоннинг “Арсенал” жамоаси таркибида Премьер-лигада ўйнаган. Гендузининг хизматларига Унаи Эмери бош мураббийлигидаги “Астон Вилла” ҳам қизиқиш билдирмоқда. Эслатиб ўтамиз, айнан испаниялик мутахассис бир вақтлар Маттеони "Арсенал"га таклиф қилганди.
Гендузи бу мавсумда Лига 1да 2 та гол ва 4 та голли узатмани амалга оширди.
