Zagrebning «Dinamo» jamoasida to‘p tepayotgan xorvatiyalik darvozabon Dominik Livakovich yozgi transfer oynasida klubini o‘zgartirishi mumkin.
28 yoshli futbolchining Ispaniyada ishlash imkoniyati bor.
Todofichajesning so‘zlariga ko‘ra, darvozabon xizmatlariga «Vilyarreal» qiziqish bildirmoqda. Ushbu transfer yozgi transfer oynasida amalga oshirilishi mumkin. Potensial kelishuv qiymati 14 million yevroga baholanmoqda.
Livakovich 2015 yilning avgustidan buyon «Dinamo»da o‘ynab kelmoqda. Uning klub bilan shartnomasi kelasi yilning o‘rtalariga qadar mo‘ljallangan. Xorvatiya terma jamoasi tarkibida Dominik 2022 yilgi jahon chempionatining bronza medali sohibiga aylandi.
