Загребнинг «Динамо» жамоасида тўп тепаётган хорватиялик дарвозабон Доминик Ливакович ёзги трансфер ойнасида клубини ўзгартириши мумкин.
28 ёшли футболчининг Испанияда ишлаш имконияти бор.
Todofichajesнинг сўзларига кўра, дарвозабон хизматларига «Вильярреал» қизиқиш билдирмоқда. Ушбу трансфер ёзги трансфер ойнасида амалга оширилиши мумкин. Потенциал келишув қиймати 14 миллион еврога баҳоланмоқда.
Ливакович 2015 йилнинг августидан буён «Динамо»да ўйнаб келмоқда. Унинг клуб билан шартномаси келаси йилнинг ўрталарига қадар мўлжалланган. Хорватия терма жамоаси таркибида Доминик 2022 йилги жаҳон чемпионатининг бронза медали соҳибига айланди.
