"Chelsi" "Napoli" hujumchisi Viktor Osimxenni o‘z safiga qo‘shib olish bo‘yicha muzokaralarda jamoa futbolchilaridan birini ishlatmoqchi.

Manba bergan xabarga ko‘ra, londonliklar shartnomaga Kristian Pulishich yoki hozirda "Inter"da ijara asosida to‘p surayotgan Romelu Lukakuni ham qo‘shishni o‘ylamoqda.

Osimxen joriy mavsumda “Napoli” safida barcha turnirlar doirasida 35 ta o‘yinda maydonga tushib, 28 ta gol urdi va 5 ta golli uzatmani amalga oshirdi. Transfermarkt portali 24 yoshli nigeriyalik futbolchining bozor narxini 100 million yevroga baholamoqda.