"Челси" "Наполи" ҳужумчиси Виктор Осимхенни ўз сафига қўшиб олиш бўйича музокараларда жамоа футболчиларидан бирини ишлатмоқчи.
Манба берган хабарга кўра, лондонликлар шартномага Кристиан Пулишич ёки ҳозирда "Интер"да ижара асосида тўп сураётган Ромелу Лукакуни ҳам қўшишни ўйламоқда.
Осимхен жорий мавсумда “Наполи” сафида барча турнирлар доирасида 35 та ўйинда майдонга тушиб, 28 та гол урди ва 5 та голли узатмани амалга оширди. Transfermarkt портали 24 ёшли нигериялик футболчининг бозор нархини 100 миллион еврога баҳоламоқда.
