"Everton" APLning 35-turida safarda "Brayton" ustidan yirik g‘alabaga erishdi - 5:1.
Mehmonlar safida Abdulaye Dukure va Duayt MakNil dubl qayd etdi. “Chag‘alaylar” darvozaboni Jeyson Stil o‘z darvozasiga to‘p kiritib qo‘ydi. “Brayton”ning yagona goliga Aleksis Makallister mualliflik qildi.
Ushbu g‘alabadan so‘ng “Everton” 32 ochko jamg‘arib, APLning quyi ligaga tushib ketish zonasidan chiqib ketdi. Shon Daych jamoasi turnir jadvalida 16-o‘rinni egallab turibdi. "Brayton" 55 ochko bilan 7-o‘rinda bormoqda.