Madridning «Real» klubi «RB Leypsig» yarim himoyachisi Dani Olmoga hamon qiziqish bildirmoqda.
Jurnalist Fabrisio Romanoning xabar berishicha, «qirollik klubi» «Barselona» tarbiyalanuvchisi hisoblangan ispaniyalik yarim himoyachini kuzatishda davom etmoqda.
Eslatib o‘tamiz, Olmoning «RB Leypsig» bilan shartnomasi keyingi mavsum oxirida yakuniga yetadi.
«Real» kelasi yozda futbolchini sotib olishga urinib ko‘rishi mumkin.
«Real Madrid» Danini erkin agent bo‘lganidan so‘ng jamoaga taklif qilishi ham mumkin, ammo keyin «qirollik klubi» «Barselona» bilan raqobatga duch keladi.
Olmo Bundesliganing joriy mavsumida ikkita gol va to‘rtta golli uzatmani amalga oshirdi.
