"Arsenal" "Vest Xem" yarim himoyachisi Deklan Rays uchun maksimal 80 million yevro to‘lashga qurbi yetadi. Bu haqda The Telegraph vakili jurnalist Jeyson Bert xabar bermoqda.
Eslatib o‘tamiz, "Vest Xem" yozda Rays uchun 135 million yevro olishni istamoqda. Qolaversa, “bolg‘achilar” rahbariyati futbolchining shartnomasi tugashiga atigi bir yil qolganidan xavotirda emas. Deklan "Arsenal" uchun yarim himoyani kuchaytirish uchun asosiy maqsaddir, ammo so‘ralayotgan narx "kanonirlar" e’tiborini boshqa variantlarga qaratishi mumkin.
Raysning xizmatlariga Angliya Premyer-ligasining boshqa klublari ham qiziqish bildirmoqda. Ular orasida “Chelsi” va “Manchester Yunayted” ham bor.
