"Арсенал" "Вест Хэм" ярим ҳимоячиси Деклан Райс учун максимал 80 миллион евро тўлашга қурби етади. Бу ҳақда The Telegraph вакили журналист Жейсон Берт хабар бермоқда.
Эслатиб ўтамиз, "Вест Хэм" ёзда Райс учун 135 миллион евро олишни истамоқда. Қолаверса, “болғачилар” раҳбарияти футболчининг шартномаси тугашига атиги бир йил қолганидан хавотирда эмас. Деклан "Арсенал" учун ярим ҳимояни кучайтириш учун асосий мақсаддир, аммо сўралаётган нарх "канонирлар" эътиборини бошқа вариантларга қаратиши мумкин.
Райснинг хизматларига Англия Премьер-лигасининг бошқа клублари ҳам қизиқиш билдирмоқда. Улар орасида “Челси” ва “Манчестер Юнайтед” ҳам бор.
