Toshkentda o‘tkazilayotgan boks bo‘yicha jahon chempionatida bugungi dastur doirasida so‘nggi ishtirokimiz o‘z jangini o‘tkazdi.

-75 kg vazn toifasida jang qilgan A’loxon Abdullayev serbiyalik Almir Mimich ustidan g‘alaba qozondi. Birinchi bo‘limda sportchilar o‘zaro yaqin jang olib borishdi va unda hakamlarning 4 nafari ustunlikni hamyurtimizga berishdi.

Serbiyalik bokschi ikkinchi bo‘limni faol boshlagandi, ammo oradan ko‘p o‘tmasdan u kuchli zarbalarni o‘tkazib yubora boshladi. Natijada referi ikki marta A’loxon foydasiga nokdaun qayd etdi. Hakamlarning barchi bu raundga 10-8 bahosini berishdi, hamyurtimiz foydasiga.

Uchinchi bo‘limda Mimich "omadli zarba"ga umid qilgan holda oldinga tashladi va bir marta A’loxonni nokdaunga tushirdi. Shuning uchun bo‘lsa kerak, yakuniy baho — 4:0 ko‘rinishda bo‘ldi. Ya’ni bir hakamning baholari 28:28 ko‘rinishida bo‘ldi.

Shu tariqa, tarkibimizdagi eng yosh bokschimiz debyut jahon chempionatida chorak final yo‘llanmasiga ega chiqdi. U yarim final yo‘llanmasi uchun vengriyalik Pilip Akilovga qarshi ringga chiqadi.