Serxi Buskets «Barselona»ni tark etishga qaror qildi.

Yarim himoyachining Kataloniya klubi bilan shartnomasi 30 iyun kuni yakuniga yetadi.

Marca xabariga ko‘ra, 34 yoshli futbolchi mavsum yakunida «Barsa»ni tark etishga qaror qilgan va bu haqda jamoa ichida ma’lum qilgan.

Buskets buni qachon rasman e’lon qilishi hozircha ma’lum emas.

Balki u «Barselona» La Ligada chempion bo‘lguncha kutar. Buni «Espanyol»ga qarshi keyingi o‘yinda sodir bo‘lishi ehtimoli bor.

Oldinroq ispaniyalik futbolchiga «Inter Mayami» va Saudiya Arabistoni klublarining biridan takliflar borligi haqida xabar berilgandi.

Buskets «Barselona» akademiyasi bitiruvchisidir. U jamoadagi ilk debyutini 2008 yilda o‘tkazgan.