Серхи Бускетс «Барселона»ни тарк этишга қарор қилди.

Ярим ҳимоячининг Каталония клуби билан шартномаси 30 июнь куни якунига етади.

Marca хабарига кўра, 34 ёшли футболчи мавсум якунида «Барса»ни тарк этишга қарор қилган ва бу ҳақда жамоа ичида маълум қилган.

Бускетс буни қачон расман эълон қилиши ҳозирча маълум эмас.

Балки у «Барселона» Ла Лигада чемпион бўлгунча кутар. Буни «Эспаньол»га қарши кейинги ўйинда содир бўлиши эҳтимоли бор.

Олдинроқ испаниялик футболчига «Интер Майами» ва Саудия Арабистони клубларининг биридан таклифлар борлиги ҳақида хабар берилганди.

Бускетс «Барселона» академияси битирувчисидир. У жамоадаги илк дебютини 2008 йилда ўтказган.