Ispaniyaning “Valyadolid” klubi himoyachisi Ivan Fresneda faoliyatini Angliya Premyer-ligasida davom ettirish imkoniyati mavjud. Bu haqda CaughtOffside jurnalistlari xabar bermoqda.
Manbaning xabariga ko‘ra, 18 yoshli ijrochi xizmatlariga Londonning "Arsenal" klubi qiziqish bildirmoqda. Futbolchining transfer narxi 20 million yevroga baholanmoqda. Fresneda uchun kurashda “kanonirlar”ning raqiblari “Milan”, “Nyukasl” va Dortmundning “Borussiya”sidir.
Ispaniya chempionatining joriy mavsumida himoyachi “Valyadolid” safida barcha turnirlarda 22 ta o‘yinda maydonga tushdi. Tomonlar o‘rtasidagi mehnat shartnomasi muddati 2025 yilning yozida tugaydi.
