Poytaxtimizdagi jahon chempionatining chorak finalida uchinchi bokschimiz o‘z jangini o‘tkazdi. -63,5 kg vazn toifasidagi iqtidorli vakilimiz Ruslan Abdullayev Fransiya terma jamoasi bokschisi Lunes Hamroviyga qarshi jang olib bordi.

Ruslan o‘z uslubida tajovuzkor jang olib bordi. Ammo raqib bo‘y va qo‘llarining uzunligi jihatdan ustunliga ega bo‘lish bilan birga chapaqay bokschi hisoblanadi. Shu bois, hamyurtimiz uchun bu jang oson bo‘lmadi.

Birinchi bo‘limda vatandoshimiz raqibga nisbatan ko‘proq zarbalar berishga harakat qildi va hakamlarning ovozlari 3:2 ko‘rinishda bo‘ldi. Ruslan ikkinchi raundda tajovuzkorlikni yanada oshirdi. Ayniqsa, raqibning qorin qismiga bergan zarbalari Hamroviyni qiyin holatga tushirdi. Shu bois, Abdullayev ikkinchi taymni to‘laligicha o‘z foydasiga hal qildi.

Uchinchi bo‘limda esa Ruslan nisbatan sokinroq jang uslubini tanladi va raqibga ishlash imkoniyatni berdi. Shuning uchun yakuniy baholar quyidagi ko‘rinishda bo‘ldi — 4:1 (30:27, 29:28, 29:28, 29:28, 28:29).

Shu tariqa, Ruslan Abdullayev turnirdagi to‘rtinchi jangida g‘alaba qozonib, musobaqa yarim finaliga chiqdi.

Bugun yana 8 nafar hamyurtimiz ringga ko‘tariladi:

-71 kg: Saidjamshid Ja’farov - Igor Sviridchenkov (Rossiya) (B ring, 15:25 dan so‘ng)

-92 kg Lazizbek Mullojonov - Sezar La Kruz (Kuba) (A ring, 16:25 dan so‘ng)

-54 kg: Oybek Jo‘rayev - Gabriel Eskobar (Ispaniya) (B ring, 18:40 dan so‘ng)

-60 kg: Mujibillo Tursunov - Vsevolod Shumkov (Rossiya) (B ring, 18:55 dan so‘ng)

-67 kg: Asadxo‘ja Mo‘ydinxo‘jayev - Roniel Iglesias (Kuba) (B ring, 19:25 dan so‘ng)

-75 kg: A’loxon Abdullayev - Filip Akilov (Vengriya), (B ring, 19:55 dan so‘ng)

-86 kg: Shohjahon Abdullayev - Alfonso Domingez (Ozarbayjon) (A ring, 20:25 dan so‘ng)

+92 kg: Bahodir Jalolov - Qamshibek Qo‘nqabayev (Qozog‘iston) (B ring, 21:10 dan so‘ng).