"Chelsi"ni boshqarishi mumkin bo‘lgan argentinalik bosh murabbiy Maurisio Pochettino Meyson Mauntni jamoada qoldirishni talab qilmoqda, deb xabar beradi Daily Mail.

Manbaga ko‘ra, Pochettino Mauntni kelasi mavsumda "Chelsi"ning asosiy futbolchisiga aylantirishga tayyor. 24 yoshli yarim himoyachining londonliklar bilan shartnomasi 2024 yilning yozida yakuniga yetadi. Avvalroq "Chelsi" Maunt bilan yangi shartnoma borasida kelisha olmasa, mavsum yakunlanganidan keyin uni sotishi haqida xabar berilgandi.

Maunt joriy mavsumda barcha turnirlarda 35 ta o‘yinda maydonga tushib, 3 ta gol urdi va 6 ta golli uzatmani amalga oshirdi.