"Челси"ни бошқариши мумкин бўлган аргентиналик бош мураббий Маурисио Почеттино Мэйсон Маунтни жамоада қолдиришни талаб қилмоқда, деб хабар беради Daily Mail.

Манбага кўра, Почеттино Маунтни келаси мавсумда "Челси"нинг асосий футболчисига айлантиришга тайёр. 24 ёшли ярим ҳимоячининг лондонликлар билан шартномаси 2024 йилнинг ёзида якунига етади. Аввалроқ "Челси" Маунт билан янги шартнома борасида келиша олмаса, мавсум якунланганидан кейин уни сотиши ҳақида хабар берилганди.

Маунт жорий мавсумда барча турнирларда 35 та ўйинда майдонга тушиб, 3 та гол урди ва 6 та голли узатмани амалга оширди.