Toshkentda bo‘lib o‘tayotgan boks bo‘yicha jahon chempionatida bugun chorak final bosqichi janglari o‘tkazildi va yarim finalga chiqqan sportchilar nomi aniq bo‘ldi.

Yarim finaldagi ishtirokchilari soni bo‘yicha O‘zbekiston 1-pog‘onani egallab turibdi. Delegasiyamizning 9 a’zosi final yo‘llanmasi uchun ringga ko‘tariladi. Bu borada 2-o‘rinni Kuba va Rossiya terma jamoalari egallashdi. Ularning 6 nafardan a’zosi yarim finalgacha yetib kelishdi.

Qozog‘iston esa 5 bokschi bilan to‘rtinchi pog‘onani egallab turibdi. Keyingi pog‘onalarni Gruziya, Hindiston, Fransiya va Ispaniya (uchtadan) band etishdi.

9 — O‘zbekiston;
6 — Rossiya, Kuba;
5 — Qozog‘iston;
3 — Ispaniya, Fransiya, Gruziya, Hindiston;
2 — Armaniston, Mo‘g‘uliston, Braziliya, Ozarboyjon;
1 — Iordaniya, Qirg‘iziston, Tojikiston, Xitoy, Meksika, Italiya.