Тошкентда бўлиб ўтаётган бокс бўйича жаҳон чемпионатида бугун чорак финал босқичи жанглари ўтказилди ва ярим финалга чиққан спортчилар номи аниқ бўлди.

Ярим финалдаги иштирокчилари сони бўйича Ўзбекистон 1-поғонани эгаллаб турибди. Делегациямизнинг 9 аъзоси финал йўлланмаси учун рингга кўтарилади. Бу борада 2-ўринни Куба ва Россия терма жамоалари эгаллашди. Уларнинг 6 нафардан аъзоси ярим финалгача етиб келишди.

Қозоғистон эса 5 боксчи билан тўртинчи поғонани эгаллаб турибди. Кейинги поғоналарни Грузия, Ҳиндистон, Франция ва Испания (учтадан) банд этишди.

9 — Ўзбекистон;
6 — Россия, Куба;
5 — Қозоғистон;
3 — Испания, Франция, Грузия, Ҳиндистон;
2 — Арманистон, Мўғулистон, Бразилия, Озарбойжон;
1 — Иордания, Қирғизистон, Тожикистон, Хитой, Мексика, Италия.