O‘zbekiston Kubogining guruh bosqichi 2-turidan o‘rin olgan “Bunyodkor” – “Metallurg” (1:0) uchrashuvidan keyin jamoamiz ustozi Murod Otajonov o‘z fikrlari bilan o‘rtoqlashdi.
 
- Kubok uchrashuvi doimo chempionat bahslaridan farq qiladi. Xursand qiladigan jihati shuki, beshinchi o‘yin deganda g‘alaba qozondik. Kubok bahsida bitta o‘yinimiz qoldi. “Yunired” bilan bo‘ladigan bellashuvda o‘zimizga kerakli hisobni qayd etib, guruhdan chiqishga harakat qilamiz. Bugungi g‘alabadan so‘ng guruhdan chiqish imkoniyatimiz oshdi, deyish mumkin.
 
To‘g‘ri, chiroyli o‘yin namoyish qilmayotgan bo‘lishimiz mumkin, ammo to‘g‘ri tushuninglar, natija ham kerak, ammo kombinasion futbol o‘ynashga harakat qilayotganimiz aniq. Ertaga chiroyli o‘ynab yutqazsak, nega mag‘lubiyat ko‘payib ketdi, degan savollar beriladi. Ikkalasini uyg‘unlashtirgan ma’qul. Biz shuni harakatidamiz.
 
Bugun nafaqat “Bunyodkor” safida ilk o‘yinlarini o‘tkazgan futbolchilar, balki boshqa yosh iqtidorli o‘yinchilar ham doim nazoratimizda bo‘ladi. Respublika chempionatlarida ishtirok etadigan “Bunyodkor”ning barcha jamoalarini diqqat bilan kuzatib boramiz. Harakatlari manzur bo‘lgan o‘yinchilarni asosiy tarkib mashg‘ulotlariga jalb qilamiz. Zaxiradan maydonga tushgan yoshlar aynan murabbiylar shtabining kuzatuv mevalaridir. Qolgani bolalarning o‘ziga bog‘liq.