Madridning “Real” klubi va Ispaniya terma jamoasining sobiq ustozi, hozirda “Vulverxempton” bosh murabbiyi lavozimini egallab turgan Xulen Lopetegi yarim himoyachi Serxio Buskets haqida fikr bildirdi.
Yarim himoyachi mavsum yakunida “Barselona”ni tark etadi.
“Serxio noyob futbolchi. U juda yuqori o‘yin intellektga ega. Men uchun Buskets ispan futboli tarixidagi eng yaxshi yarim himoyachi”, - dedi Lopetegi El Larguero bilan suhbatda.
Busketsning Kataloniya grandi bilan amaldagi shartnomasi shu yilning iyun oyi oxirida yakuniga yetadi. Yarim himoyachi faoliyatini Saudiya Arabistoni chempionatida davom ettirishi kutilmoqda.
