Мадриднинг “Реал” клуби ва Испания терма жамоасининг собиқ устози, ҳозирда “Вулверхэмптон” бош мураббийи лавозимини эгаллаб турган Хулен Лопетеги ярим ҳимоячи Серхио Бускетс ҳақида фикр билдирди.
Ярим ҳимоячи мавсум якунида “Барселона”ни тарк этади.
“Серхио ноёб футболчи. У жуда юқори ўйин интеллектга эга. Мен учун Бускетс испан футболи тарихидаги энг яхши ярим ҳимоячи”, - деди Лопетеги El Larguero билан суҳбатда.
Бускетснинг Каталония гранди билан амалдаги шартномаси шу йилнинг июнь ойи охирида якунига етади. Ярим ҳимоячи фаолиятини Саудия Арабистони чемпионатида давом эттириши кутилмоқда.
