«Chelsi» yarim himoyachisi N'Golo Kante London klubidagi kelajagi haqida gapirdi.
Avvalroq, 32 yoshli yarim himoyachi yozda «Arsenal»ga o‘tishga rozi bo‘lgani, ammo «ko‘klar»ning bo‘lajak bosh murabbiyi Maurisio Pochettino uni jamoada olib qolmoqchi ekanligi haqida xabar berilgandi.
«Men «Chelsi» yangi loyihasining bir qismi bo‘lishni xohlayman, bu juda qiziqarli loyiha. Afsuski, joriy mavsumda o‘zimga kerak bo‘lgan saviyani ko‘rsata olmayapman. Yozda qayerda bo‘lishimni bilmayman», - deya Kantening so‘zlarini keltiradi Sky Sports.
2022/23 yilgi mavsumda futbolchi barcha musobaqalarni hisobga olgan holda to‘qqizta o‘yinda ishtirok etdi va bitta golli uzatmani amalga oshirdi. Kantening «Chelsi» bilan shartnomasi 2023 yilning 30 iyuniga qadar amal qiladi.
