«Челси» ярим ҳимоячиси Н'Голо Канте Лондон клубидаги келажаги ҳақида гапирди.
Аввалроқ, 32 ёшли ярим ҳимоячи ёзда «Арсенал»га ўтишга рози бўлгани, аммо «кўклар»нинг бўлажак бош мураббийи Маурисио Почеттино уни жамоада олиб қолмоқчи эканлиги ҳақида хабар берилганди.
«Мен «Челси» янги лойиҳасининг бир қисми бўлишни хоҳлайман, бу жуда қизиқарли лойиҳа. Афсуски, жорий мавсумда ўзимга керак бўлган савияни кўрсата олмаяпман. Ёзда қаерда бўлишимни билмайман», - дея Кантенинг сўзларини келтиради Sky Sports.
2022/23 йилги мавсумда футболчи барча мусобақаларни ҳисобга олган ҳолда тўққизта ўйинда иштирок этди ва битта голли узатмани амалга оширди. Кантенинг «Челси» билан шартномаси 2023 йилнинг 30 июнига қадар амал қилади.
