“PSJ” hujumchisi Neymar jamoani tark etishi mumkin. RMC Sport nashrining xabariga ko‘ra, Neymarning agenti unga yangi jamoa izlashni boshlagan.

Braziliyalikning asosiy muammosi moliyaviy talablarning qondirilmayotganidir. Avvalroq Neymarga “Chelsi” hamda “Nyukasl” jamoalaridan qiziqish bo‘lgani xabar qilingandi.

Neymarning ketishni istayotganiga asosiy sabab qilib, Lionel Messi va “PSJ” orasidagi munosabatlar ham ko‘rsatilmoqda. Undan tashqari 30 yoshli futbolchi uyi oldida muxlislarning qarshilik namoyishlarini o‘tkazganidan hayratda qolgan.

Eslatib o‘tamiz, Neymar jarohat tufayli “PSJ” safida fevral oyidan buyon maydonga tushmayapti.

Qayd etib o‘tish joiz, “PSJ”ning yana bir hujumchisi Kilian Mbappega “Real” jiddiy qiziqmoqda. Madriliklar fransuzni o‘z safiga qo‘shib olish uchun yana bir bor urinib ko‘rishi ma’lum qilingandi.