Dortmundning “Borussiya” klubi yarim himoyachisi Mahmud Daud APL klubiga erkin agent sifatida qo‘shilishi mumkin.
Insayder Fabrisio Romanoning so‘zlariga ko‘ra, 27 yoshli futbolchi yaqin orada klubdagi kelajagi borasida yakuniy qaror qabul qiladi. Premyer-liga klublari futbolchining faoliyatini davom ettirish uchun eng qulay variant bo‘lib ko‘rinmoqda. Yarim himoyachiga A Seriyadan ham qiziqishlar bor.
Daud "Borussiya Dortmund"ni erkin agent sifatida tark etadi. Uning shartnomasi 2023 yilning yozida yakuniga yetadi.
Nemis futbolchisi Dortmund klubida 2017 yildan buyon o‘ynab kelmoqda. Joriy mavsumda u barcha musobaqalarda 10 ta o‘yin o‘tkazib, 1 ta golli uzatmani amalga oshirdi. Umumiy hisobda yarim himoyachi “Borussiya” safida 141 ta o‘yin o‘tkazib, 5 ta gol va 17 ta golli uzatmani amalga oshirgan.
