Дортмунднинг “Боруссия” клуби ярим ҳимоячиси Маҳмуд Дауд АПЛ клубига эркин агент сифатида қўшилиши мумкин.

Инсайдер Фабрицио Романонинг сўзларига кўра, 27 ёшли футболчи яқин орада клубдаги келажаги борасида якуний қарор қабул қилади. Премьер-лига клублари футболчининг фаолиятини давом эттириш учун энг қулай вариант бўлиб кўринмоқда. Ярим ҳимоячига А Сериядан ҳам қизиқишлар бор.

Дауд "Боруссия Дортмунд"ни эркин агент сифатида тарк этади. Унинг шартномаси 2023 йилнинг ёзида якунига етади.

Немис футболчиси Дортмунд клубида 2017 йилдан буён ўйнаб келмоқда. Жорий мавсумда у барча мусобақаларда 10 та ўйин ўтказиб, 1 та голли узатмани амалга оширди. Умумий ҳисобда ярим ҳимоячи “Боруссия” сафида 141 та ўйин ўтказиб, 5 та гол ва 17 та голли узатмани амалга оширган.