"Manchester Yunayted"ning sobiq hujumchisi Duayt Yorkning fikricha, "Manchester Siti" hujumchisi Erling Xoland 1998/99 yilgi mavsumda "Qizil iblislar" tarkibiga kira olmagan bo‘lardi.
“Xoland 1998/99 yilgi mavsumda biz o‘ynagan o‘yin bilan jamoa tarkibiga kira olmagan bo‘lardi. Imkoniyat yo‘q. Nima uchun Endi Koul bilan munosabatlarimni buzaman?", — deya Yorkning so‘zlarini keltiradi Daily Mail.
O‘sha mavsumda mankunianliklar trebl qayd etishgan - APL chempionligi va Angliya kubogi hamda Chempionlar ligasini qo‘lga kiritishdi.
1998/99 yilgi mavsumda York 51 o‘yinda 29 ta gol urgan, Koul 50 ta o‘yinda 24 ta gol urgan. Xoland Premyer-liganing 2022/23 yilgi mavsumida 47 ta o‘yinda "Siti" safida 51 ta gol urgan.
