"Манчестер Юнайтед"нинг собиқ ҳужумчиси Дуайт Йоркнинг фикрича, "Манчестер Сити" ҳужумчиси Эрлинг Холанд 1998/99 йилги мавсумда "Қизил иблислар" таркибига кира олмаган бўларди.

“Холанд 1998/99 йилги мавсумда биз ўйнаган ўйин билан жамоа таркибига кира олмаган бўларди. Имконият йўқ. Нима учун Энди Коул билан муносабатларимни бузаман?", — дея Йоркнинг сўзларини келтиради Daily Mail.

Ўша мавсумда манкунианликлар требль қайд этишган - АПЛ чемпионлиги ва Англия кубоги ҳамда Чемпионлар лигасини қўлга киритишди.

1998/99 йилги мавсумда Йорк 51 ўйинда 29 та гол урган, Коул 50 та ўйинда 24 та гол урган. Холанд Премьер-лиганинг 2022/23 йилги мавсумида 47 та ўйинда "Сити" сафида 51 та гол урган.