O‘zbekiston Superligasi 10-turidan o‘rin olgan “Navbahor” – “Surxon” jamoalari o‘rtasidagi uchrashuv arafasida “lochinlar”ning 26 yoshli mahoratli himoyachisi Shahboz Jo‘rabekov bo‘lajak o‘yin haqidagi fikrlari bilan o‘rtoqlashdi.

- Xabaringiz bor, joriy yilgi Superliga bahslari ancha qiziqarli va keskin kurashlar ostida o‘tmoqda hamda bo‘lib o‘tgan bellashuvlar milliy chempionatimizda barcha jamoalarning kuchi deyarli teng ekanligi, bu yil oson o‘yinlar bo‘lmasligini isbotlamoqda. Bo‘lajak bahs ham bundan mustasno bo‘lmaydi, albatta va bo‘lajak raqib “Surxon” ham jamoamizga munosib qarshilik ko‘rsatishga intiladi.

O‘z navbatida biz – futbolchilar ham termizliklar bilan bo‘ladigan bellashuvda g‘alaba qozonib, muxlislarga quvonch ulashishga harakat qilamiz hamda buni amalga oshirish uchun barcha imkoniyatimizni ishga solamiz.

Ishqibozlardan esa jamoamizni bevosita stadionda munosib tarzda qo‘llab-quvvatlab, g‘alabamizga madadkor bo‘lishlarini so‘rab qolaman.

Fursatdan foydalanib, bizga barcha sharoitlarni yaratib berayotgan Namangan viloyati hokimi Shavkat Shokirjanovich Abdurazzoqov, shuningdek, “Navbahor” PFK rahbariyati, jumladan, klub vise-prezidenti Otabek Arifovich Samatovga jamoamiz nomidan o‘z minnatdorchiligimni bildiraman.

“Navbahor” joriy mavsumda o‘zi qatnashadigan barcha musobaqalarda zafar quchishni maqsad qilgan.

Buni amalga oshirish uchun biz – futbolchilar qo‘ldan kelganicha harakat qilamiz.