Parij klubi himoyachi Ferlan Mendini sotib olish uchun “Real”ga taklif bilan chiqdi.
El Nacional xabariga ko‘ra, parijliklar transfer oynasida 27 yoshli futbolchi uchun 30 mln yevro taklif qilmoqda. Biroq "Real Madrid" prezidenti Florentino Peres himoyachini faqat 45 million yevro evaziga qo‘yib yuboradi.
Fransiyalik futbolchi 2019 yildan beri Madridda. Joriy mavsumda u barcha musobaqalarda 25 ta o‘yinda maydonga tushib, 1 ta golli uzatmani amalga oshirdi. Shartnoma 2025 yilning yoziga qadar mo‘ljallangan.