Frankfurtning «Ayntraxt» klubi «PSJ»ning ikki yosh futbolchisiga qiziqish bildirmoqda.
L'Equipe xabariga ko‘ra, nemis klubi allaqachon Parij grandiga El Shadaya Batshiabu va Ugo Ekitike borasida so‘rov yuborgan.
Frankfurtliklar birinchi futbolchi uchun 20 million yevro to‘lashni, ikkinchi futbolchini ijaraga olishni rejalashtirmoqda.
Batshiabu - 17 yosh, bu yosh fransuz asosan himoyada - markaziy himoyachi pozisiyasida o‘ynaydi. Shuningdek, u himoyaning chap qanotidagi pozisiyani yopishi mumkin. U joriy mavsumda barcha musobaqalarda 13 ta o‘yinda maydonga tushdi.
20 yoshli Ekitike markaziy hujumchi yoki chap qanot vingeri sifatida o‘ynay oladigan hujumkor futbolchi. Yakunlangan mavsumda «PSJ» safida 29 ta o‘yinda maydonga tushib, 4 ta gol va 3 ta golli uzatmaga mualliflik qilgan.
