Франкфуртнинг «Айнтрахт» клуби «ПСЖ»нинг икки ёш футболчисига қизиқиш билдирмоқда.
L'Equipe хабарига кўра, немис клуби аллақачон Париж грандига Эл Шадая Батшиабу ва Уго Экитике борасида сўров юборган.
Франкфуртликлар биринчи футболчи учун 20 миллион евро тўлашни, иккинчи футболчини ижарага олишни режалаштирмоқда.
Батшиабу - 17 ёш, бу ёш француз асосан ҳимояда - марказий ҳимоячи позициясида ўйнайди. Шунингдек, у ҳимоянинг чап қанотидаги позицияни ёпиши мумкин. У жорий мавсумда барча мусобақаларда 13 та ўйинда майдонга тушди.
20 ёшли Экитике марказий ҳужумчи ёки чап қанот вингери сифатида ўйнай оладиган ҳужумкор футболчи. Якунланган мавсумда «ПСЖ» сафида 29 та ўйинда майдонга тушиб, 4 та гол ва 3 та голли узатмага муаллифлик қилган.
