"Inter"ning sobiq hujumchisi Kristian Vyeri "Milan"ga qarshi o‘yinni ko‘rib, "Inter"ning yarim himoyadagi o‘yinidan qoyil qoldi. Vyeri jamoaning bu chizig‘ini haqli ravishda Yevropaning eng yaxshilaridan biri deb atash mumkin deb hisoblaydi.
"Inter" yarim himoyada juda kuchli, ularda uchta o‘rin uchun to‘rtta ajoyib o‘yinchi bor. Bugun ularning yarim himoyasi Yevropaning istalgan jamoasi fonida munosib ko‘rinadi. Ular to‘pni va o‘yinning borishini nazorat qilishni o‘rgandilar", - deya italiyalik sobiq hujumchining so‘zlarini keltiradi Itasportpress axborot agentligi.
Vyeri 1999 yildan 2005 yilgacha “Inter”da o‘ynagan, shundan so‘ng u "Milan"da o‘ynashga muvaffaq bo‘lgan.
