"Milan" bosh murabbiyi Stefano Pioli Rafael Leauning jarohati va uning Chempionlar ligasi yarim finalining javob uchrashuvida ishtirok etishi mumkinligi haqida fikr bildirdi. U boshqa futbolchilarning holati haqida ham ma’lumot berdi.

"Bizda "Spesiya"ga qarshi o‘yinda Leau yo‘qligi kabi kichik muammolar mavjud bo‘lishi mumkin. Ammo u yakshanba kuni mashg‘ulot o‘tkazib, "Inter"ga qarshi o‘yinga tayyor bo‘lishi uchun yaxshi imkoniyat bor.

Zlatan va Florensi hamon safda emas, Krunich va Messias ham "Spesiya"ga qarshi o‘yinda maydonga tusha olmaydi.

Bennaserni yo‘qotganimiz ham yomon bo‘ldi. Ammo jarohatlar bizning ishimiz bilan bog‘liq xavflarning ajralmas qismidir. Isma kuchli xarakterga ega va u ruhiy jihatdan bardoshli, shuning uchun u yanada kuchliroq bo‘lib qaytishiga ishonaman", - deya Pioli so‘zlarini keltiradi Football Italia.

Eslatib o‘tamiz, o‘tgan shanba, 6 may kuni Italiya A seriyasi doirasidagi "Lasio"ga (2:0) qarshi o‘yinda Leau son mushaklaridan jarohat olgan edi.