«Nasaf» Superliganing 10-turda Bekobodga safar qiladi. «Metallurg» bilan bo‘lib o‘tishi belgilangan uchrashuv 15 may kuni soat 19:00 da boshlanadi. Ushbu juftlik 10-turni yakunlab berishadi.
«Metallurg» va «Nasaf» jamoalari o‘zaro uchrashuvlardagi faktlar:
Jamoalar O‘zbekiston chempionatida shu vaqtga qadar 50 bor kuch sinashishgan. Bo‘lib o‘tgan 31 uchrashuvda «ajdarlar», 12 o‘yinda esa bekobodliklar zafar quchishgan. 7 uchrashuvda esa durang natija qayd etilgan.
To‘plar nisbati 82:39 ga teng. Ustunlik qarshiliklar tarafida.
O‘zaro uchrashuvlarda qayd etilgan eng yuqori hisoblar quyidagicha: “Nasaf“ – «Metallurg» 7:0, «Metallurg» – «Nasaf» 3:0.
Jamoalar so‘nggi o‘zaro uchrashuvni 2022 yili 12 avgust kuni Bekobodda o‘tkazishgan. Bu uchrashuvda Berdiyev shogirdlari 2:0 hisobida g‘alaba qozonishgan. Uchrashuvdagi gollarga Oybek Bozorov va Husayn Norchayev mualliflik qilishgan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
12.08.2022. Metallurg — Nasaf 0:2
09.03.2022. Nasaf — Metallurg 1:1
15.10.2021. Nasaf — Metallurg 1:0
23.06.2021. Metallurg — Nasaf 2:1
26.10.2020. Metallurg — Nasaf 0:2
Uchrashuvni Suyunov boshqarib boradi
Superligasi 10-turidan o‘rin olgan «Metallurg» - «Nasaf» uchrashuvini To‘rabek Suyunov boshqarib boradi. Unga qanotlarda Jalgasbay Sarsenov va Damir Iskanderov yordam berishadi. Zaxira hakami sifatida Jaloliddin Husnitdinov ishlaydi.
Bellashuvda VAR tizimidan foydalaniladi. VAR pultini Abdurashid Xudoyberganov boshqaradi. Unga Husan Xudoyberdiyev assistentlik qiladi.
Hakamlar ishini Zokir Qodirob nazorat qiladi. Uchrashuv komissari etib Shohrux Said tayinlangan.
