«Насаф» Суперлиганинг 10-турда Бекободга сафар қилади. «Металлург» билан бўлиб ўтиши белгиланган учрашув 15 май куни соат 19:00 да бошланади. Ушбу жуфтлик 10-турни якунлаб беришади.
«Металлург» ва «Насаф» жамоалари ўзаро учрашувлардаги фактлар:
Жамоалар Ўзбекистон чемпионатида шу вақтга қадар 50 бор куч синашишган. Бўлиб ўтган 31 учрашувда «аждарлар», 12 ўйинда эса бекободликлар зафар қучишган. 7 учрашувда эса дуранг натижа қайд этилган.
Тўплар нисбати 82:39 га тенг. Устунлик қаршиликлар тарафида.
Ўзаро учрашувларда қайд этилган энг юқори ҳисоблар қуйидагича: “Насаф“ – «Металлург» 7:0, «Металлург» – «Насаф» 3:0.
Жамоалар сўнгги ўзаро учрашувни 2022 йили 12 август куни Бекободда ўтказишган. Бу учрашувда Бердиев шогирдлари 2:0 ҳисобида ғалаба қозонишган. Учрашувдаги голларга Ойбек Бозоров ва Ҳусайн Норчаев муаллифлик қилишган.
Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:
12.08.2022. Металлург — Насаф 0:2
09.03.2022. Насаф — Металлург 1:1
15.10.2021. Насаф — Металлург 1:0
23.06.2021. Металлург — Насаф 2:1
26.10.2020. Металлург — Насаф 0:2
Учрашувни Суюнов бошқариб боради
Суперлигаси 10-туридан ўрин олган «Металлург» - «Насаф» учрашувини Тўрабек Суюнов бошқариб боради. Унга қанотларда Жалгасбай Сарсенов ва Дамир Искандеров ёрдам беришади. Захира ҳаками сифатида Жалолиддин Ҳуснитдинов ишлайди.
Беллашувда ВАР тизимидан фойдаланилади. ВАР пультини Абдурашид Худойберганов бошқаради. Унга Ҳусан Худойбердиев ассистентлик қилади.
Ҳакамлар ишини Зокир Қодироб назорат қилади. Учрашув комиссари этиб Шоҳрух Саид тайинланган.
