"PSJ" himoyachisi Ashraf Hakimiy "Real"ga qaytishni orzu qilmoqda, deya xabar bermoqda nashri.

Manba bergan xabarga ko‘ra, marokashlik futbolchi "qaymoqranglilar" safida o‘ynashni istaydi. U Madrid klubi tarbiyalanuvchisi hisoblanadi.

"PSJ"ning qatarlik egalari Hakimiyni sotishdan manfaatdor emasligi va "Real" bilan muzokara olib borishga tayyor emasligi aytilmoqda.

Marokashlik himoyachi joriy mavsumda parijliklar safida barcha turnirlar doirasida 37 ta o‘yinda maydonga tushib, 4 ta gol va 5 ta golli uzatmaga mualliflik qilgan.

Futbolchining "PSJ" bilan shartnomasi 2026 yilning iyun oyi oxirigacha amal qiladi.