Madridning "Real" klubi agar maqul taklif bo‘lsa, yarim himoyachi Aureliyen Tchuameni sotishga tayyor.
Fransiyalik futbolchi har doim ham Karlo Anchelotti jamoasining asosiy tarkibiga tushavermayapti. 23 yoshli futbolchiga Angliyaning “Liverpul” klubi da’vogar hisoblanadi.
El Nacional nashri xabariga ko‘ra, "Real Madrid" prezidenti Florentino Peres Tchuamenini sotishni ko‘rib chiqmoqchi, biroq transfer uchun kamida 80 million yevro so‘raydi, chunki u xuddi shu miqdorda o‘tgan yozda "Monako"dan sotib olingan.
Joriy mavsumda Aureliyen Tchuameni "qaymoqranglilar"ning barcha musobaqalar doirasidagi 44 ta uchrashuvida qatnashib, 4 ta golli uzatmani amalga oshirgan.
