«Manchester Siti» yarim himoyachisi Jek Grilish hozirgi holati haqida o‘z fikrlari bilan o‘rtoqlashdi.

27 yoshli futbolchi joriy mavsumning ikkinchi yarmida Pep Gvardiola shogirdlari uchun asosiy o‘yinchiga aylandi.

«Shaharliklar» hali ham bir vaqtning o‘zida uchta musobaqada - Premyer-liga, Chempionlar Ligasi va Angliya Kubogida g‘alaba qozonish uchun kurashmoqda va Grilish muvaffaqiyatning muhim tarkibiy qismidir.

«Endi men sodir bo‘layotgan voqealardan rohatlanyapman. Men o‘zimni formada ekanligimni his qilyapman va uni mavsum oxirigacha saqlab qolmoqchiman.

Umid qilamanki, yana bir qancha gollar uraman, assistentlik qilaman va jamoamga sovrinlar yutishda yordam beraman.

Hujumkor o‘yinchi sifatida gollarda tez-tez ishtirok etishni xohlayman», - deya Grilishning so‘zlarini keltiradi «Manchester Siti» matbuot xizmati.