Toshkent shahrida boks bo‘yicha kattalar o‘rtasida jahon chempionati yakuniga yetdi. Mazkur jahon chempionati O‘zbekiston uchun har qachongidanda muvaffaqiyatli kechdi.

Yigitlarimiz chempionat yakuniga ko‘ra 5 ta oltin, 2 ta kumush va 2 ta bronza, umumiy hisobda 9 ta medalga sazovor bo‘lishdi.

O‘zbekiston boks terma jamoasi bungacha eng yaxshi natijani 2019 yil Yekaterinburg mezbonlik qilgan JCHda qayd etgandi. Vakillarimiz Toshkentda ushbu rekordni yangilashdi va boksimiz tarixida yangi sahifa ochishdi. O‘zbekiston bokschilari chempionatda medallar soni bo‘yicha ham, sifati bo‘yicha ham birinchi bo‘lishdi.

Terma jamoamiz safida quyidagi bokschilarimiz sovrindor bo‘lishdi:

Oltin:
-51 kg: Hasanboy Do‘smatov
-57 kg: Abdumalik Xalokov
-63,5 kg: Ruslan Abdullayev
-67 kg: Asadxo‘ja Mo‘ydinxo‘jayev
+92 kg: Bahodir Jalolov

Kumush:
-54 kg: Oybek Jo‘rayev
-71 kg: Saidjamshid Jafarov

Bronza:
-75 kg: A’loxon Abdullayev
-92 kg: Lazizbek Mullojonov

O‘zbekiston terma jamoasidan so‘ng umumjamoa hisobida Qozog‘iston (4 ta oltin, 1 ta kumush) ikkinchi bo‘ldi. Kuchli uchlikka esa Rossiya (2 ta oltin, 4 ta bronza) yakun yasadi. Shuningdek, Kuba va Fransiya terma jamoalari ham Toshkentni oltin medal bilan tark etadigan bo‘lishdi.

Boks bo‘yicha JCH-2023. Medallar
1. O‘zbekiston — 5 — 2 — 2 = 9
2. Qozog‘iston — 4 — 1 — 0 = 5
3. Rossiya — 2 — 0 — 4 =6
4. Kuba — 1 — 3 — 2 = 6
5. Fransiya — 1 — 1 — 1 = 3
6. Gruziya — 0 — 1 — 2 = 3
7. Ozarboyjon — 0 — 1 — 1 = 2
7. Braziliya — 0 — 1 — 1 = 2
7. Mo‘g‘uliston — 0 — 1 — 1 = 2
10. Xitoy — 0 — 1 — 0 = 1
10. Italiya— 0 — 1 — 0 = 1
12. Hindiston — 0 — 0 — 3 = 3
12. Ispaniya — 0 — 0 — 3 = 3
14. Armaniston — 0 — 0 — 2 = 2
15. Iordaniya — 0 — 0 — 1 = 1
15. Qirg‘iziston — 0 — 0 — 1 = 1
 15. Meksika — 0 — 0 — 1 = 1
 15. Tojikiston — 0 — 0 — 1 = 1