Тошкент шаҳрида бокс бўйича катталар ўртасида жаҳон чемпионати якунига етди. Мазкур жаҳон чемпионати Ўзбекистон учун ҳар қачонгиданда муваффақиятли кечди.

Йигитларимиз чемпионат якунига кўра 5 та олтин, 2 та кумуш ва 2 та бронза, умумий ҳисобда 9 та медалга сазовор бўлишди.

Ўзбекистон бокс терма жамоаси бунгача энг яхши натижани 2019 йил Екатеринбург мезбонлик қилган ЖЧда қайд этганди. Вакилларимиз Тошкентда ушбу рекордни янгилашди ва боксимиз тарихида янги саҳифа очишди. Ўзбекистон боксчилари чемпионатда медаллар сони бўйича ҳам, сифати бўйича ҳам биринчи бўлишди.

Терма жамоамиз сафида қуйидаги боксчиларимиз совриндор бўлишди:

Олтин:
-51 кг: Ҳасанбой Дўсматов
-57 кг: Абдумалик Халоков
-63,5 кг: Руслан Абдуллаев
-67 кг: Асадхўжа Мўйдинхўжаев
+92 кг: Баҳодир Жалолов

Кумуш:
-54 кг: Ойбек Жўраев
-71 кг: Саиджамшид Жафаров

Бронза:
-75 кг: Аълохон Абдуллаев
-92 кг: Лазизбек Мулложонов

Ўзбекистон терма жамоасидан сўнг умумжамоа ҳисобида Қозоғистон (4 та олтин, 1 та кумуш) иккинчи бўлди. Кучли учликка эса Россия (2 та олтин, 4 та бронза) якун ясади. Шунингдек, Куба ва Франция терма жамоалари ҳам Тошкентни олтин медаль билан тарк этадиган бўлишди.

Бокс бўйича ЖЧ-2023. Медаллар
1. Ўзбекистон — 5 — 2 — 2 = 9
2. Қозоғистон — 4 — 1 — 0 = 5
3. Россия — 2 — 0 — 4 =6
4. Куба — 1 — 3 — 2 = 6
5. Франция — 1 — 1 — 1 = 3
6. Грузия — 0 — 1 — 2 = 3
7. Озарбойжон — 0 — 1 — 1 = 2
7. Бразилия — 0 — 1 — 1 = 2
7. Мўғулистон — 0 — 1 — 1 = 2
10. Хитой — 0 — 1 — 0 = 1
10. Италия— 0 — 1 — 0 = 1
12. Ҳиндистон — 0 — 0 — 3 = 3
12. Испания — 0 — 0 — 3 = 3
14. Арманистон — 0 — 0 — 2 = 2
15. Иордания — 0 — 0 — 1 = 1
15. Қирғизистон — 0 — 0 — 1 = 1
 15. Мексика — 0 — 0 — 1 = 1
 15. Тожикистон — 0 — 0 — 1 = 1