Madridning “Real” klubi La Liganing 34-turiga kelib, turnir jadvalida “Atletiko”ni ortda qoldirdi.
Kecha Karlo Anchelotti shogirdlari “Xetafe”ni mag‘lub etgan bo‘lsa (1:0), Diyego Simeone shogirdlari bugun “Elche”ga imkoniyatni boy berib qo‘ydi (0:1).
Chempionat yakunlanishiga 4 tur qolganida “Real Madrid” 71 ochko bilan ikkinchi o‘ringa ko‘tarilib oldi, “Atletiko” 69 ochko bilan uchinchi o‘ringa tushib ketdi.
La Liganing qolgan o‘yinlarida "qaymoqranglilar" "Valensiya", "Rayo Valyekano", "Sevilya" va "Atletik" bilan, "matraschilar" "Osasuna", "Espanyol", "Real Sosyedad" va "Vilyarreal" bilan to‘qnash keladi.