"Barselona" "Espanyol" maydonida chempionlikni munosib nishonlay olmadi.
La Liganing 34-turida “ko‘k-anorranglilar” derbida 4:2 hisobida g‘alaba qozonib, chempionlikni qo‘lga kiritdi.
Bir necha daqiqa o‘tar-o‘tmas maydon markaziga yig‘ilgan futbolchilar xursandchilik bilan sakrab, bir-birlarini tabriklashdi, biroq mezbonlar muxlislari maydonga tushib ketib, raqib jamoa futbolchilariga hujum qilishdi.
"Barselona" futbolchilari tezda kiyim almashtirish xonasiga yugurishdi. Stadion qo‘riqlash va polisiya muxlislarning o‘yinchilarning oldiga kirishiga yo‘l qo‘ymaslik uchun tribuna ostidagi maydonga kiraverishda saf tortdi. Tomoshabinlar soqchilarga turli narsalarni, jumladan, stullarni ham uloqtira boshladilar.