"Барселона" "Эспаньол" майдонида чемпионликни муносиб нишонлай олмади.
Ла Лиганинг 34-турида “кўк-анорранглилар” дербида 4:2 ҳисобида ғалаба қозониб, чемпионликни қўлга киритди.
Бир неча дақиқа ўтар-ўтмас майдон марказига йиғилган футболчилар хурсандчилик билан сакраб, бир-бирларини табриклашди, бироқ мезбонлар мухлислари майдонга тушиб кетиб, рақиб жамоа футболчиларига ҳужум қилишди.
"Барселона" футболчилари тезда кийим алмаштириш хонасига югуришди. Стадион қўриқлаш ва полиция мухлисларнинг ўйинчиларнинг олдига киришига йўл қўймаслик учун трибуна остидаги майдонга кираверишда саф тортди. Томошабинлар соқчиларга турли нарсаларни, жумладан, стулларни ҳам улоқтира бошладилар.
