"Arsenal" himoyachisi Yakub Kiviorning fikricha, VAR "Brayton"ga qarshi APL doirasidagi o‘yinda kiritilgan birinchi golini bekor qilishi mumkin edi.

Eslatib o‘tamiz, "kanonirlar" 0:3 hisobida mag‘lub bo‘lgandi, shundan so‘ng chempionatda g‘alaba qozonish imkoniyatlari minimal darajaga tushib ketdi.

"Men "Brayton" futbolchisi bilan kontakt bo‘lganini his qildim va butsamni yo‘qotdim. To‘p darvozaga qanday tushganini ham ko‘rmadim. VAR aralashib, golni bekor qiladi deb umid qilgandim, ammo hakam boshqacha fikrda edi. Ikkinchi goldan keyin biz tushkunlikka tushdik, keyin esa o‘yinga qaytolmadik” - dedi Kivior o‘yindan keyingi intervyusida.

Kivior yanvar oyida Italiyaning "Spesiya" jamoasidan "Arsenal"ga o‘tgan edi.