"Bavariya" Germaniya Bundesligasining 32-turida "Shalke"ga qarshi dahshatli o‘yin o‘tkazdi - jamoa autsayder darvozasiga javobsiz oltita gol urdi. "Bavariya" joriy mavsumda beshinchi marta olti yoki undan ko‘p gol urdi. Germaniya chempionati tarixida bunday holat hech qachon bo‘lmagan.
Hammasi birinchi turda “Ayntraxt” ustidan qozonilgan g‘alaba bilan boshlandi – 6:1, keyin uchinchi turdayoq “Boxum” darvozasiga javobsiz yettita gol kiritildi. "Mayns" o‘n ikkinchi turda jiddiyroq qarshilik ko‘rsatdi - 6:2. O‘n to‘rtinchi turda myunxenliklar “Verder”ni mag‘lub etishdi – 6:1.
