Dortmundning “Borussiya” klubi sport direktori Sebastyan Kel klub himoyachisi Mats Xummelsning kelajagi haqida gapirdi.
“Biz Xummels bilan shartnomani uzaytirmoqchimiz. U buni biladi, shuningdek, uning qarori bizga tez orada, eng yaxshisi mavsum tugashidan oldin aniq bo‘lishi kerakligini ham biladi.
Aytishim mumkinki, u hali ham g‘alaba qozonishga chanqoq. Klubdagi hamma uning biz bilan qolishini xohlaydi", - deya Kel so‘zlarini keltiradi GGFN.
Joriy mavsumda Xummels "Borussiya Dortmund" safida barcha musobaqalarda 36 ta o‘yinda maydonga tushib, bitta gol urgan.
Futbolchining Dortmund klubi bilan shartnomasi shu yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 6,5 million yevroni tashkil qiladi.