Дортмунднинг “Боруссия” клуби спорт директори Себастьян Кель клуб ҳимоячиси Матс Хуммельснинг келажаги ҳақида гапирди.

“Биз Хуммельс билан шартномани узайтирмоқчимиз. У буни билади, шунингдек, унинг қарори бизга тез орада, энг яхшиси мавсум тугашидан олдин аниқ бўлиши кераклигини ҳам билади.

Айтишим мумкинки, у ҳали ҳам ғалаба қозонишга чанқоқ. Клубдаги ҳамма унинг биз билан қолишини хоҳлайди", - дея Кель сўзларини келтиради GGFN.

Жорий мавсумда Хуммельс "Боруссия Дортмунд" сафида барча мусобақаларда 36 та ўйинда майдонга тушиб, битта гол урган.

Футболчининг Дортмунд клуби билан шартномаси шу йилнинг июнь ойи охиригача амал қилади. Transfermarkt интернет порталига кўра, футболчининг тахминий нархи 6,5 миллион еврони ташкил қилади.