Ilkay Gyundogan kelasi mavsum qaysi jamoada o‘ynashini hali hal qilmagan.

ESPN xabariga ko‘ra, yarim himoyachi "Manchester Siti"ga yozda ketish niyati haqida aytmagan va klub u bilan shartnomasini uzaytira olishiga umid qilmoqda. “Shaharliklar” unga bir yilga shartnoma imzolashni taklif qilishadi.

Ular nemis futbolchisini olib qolishmoqchi, chunki ular boshqa yarim himoyachilarga ishonchlari komil emas. Qayd etilishicha, Kalvin Fillips “Lids”dan o‘tganidan so‘ng birinchi mavsumda muammolarga duch kelgan va agar top jamoadan taklif tushsa, Bernardu Silva ketishga tayyor.

"Barselona" va kamida bitta italyan klubi Ilkay bilan bog‘liq vaziyatni kuzatmoqda.

Futbolchining o‘zi hamon bor e’tiborini mavsumni muvaffaqiyatli yakunlashga qaratgan va u yakunlangandan keyingina nima qilishini hal qiladi.

Gyundogan joriy mavsumda Premyer-ligada 30 ta o‘yinda maydonga tushib, 8 ta gol urgan.